聖誕老人（二）

繼上回的聖誕老人對話後，平安夜的早上，補習的小妹妹（現在二年級啦）跟我說：「尋日聖誕老人黎左香港。」

「係？你見過佢？」我以為她在什麼商場裏街道上看到一般人扮的聖誕老人。

「唔係呀，我寫左張字條放喺隻聖誕襪度，今日唔見左啦，聖誕老人拎走左我張紙。」準是她的父母拿走的，但還是不說破好。

「哦，咁你寫左啲咩野畀佢呀？」

「我想要妹妹支結他。」

「哦，你鍾意妹妹支結他？咁你可以喺 26 號 Boxing Day， 即係拆禮物日拆開份禮物睇下佢係咪送你想要ge 禮物畀你喎。」

「我唔洗等到 26 號架。」

「哦，你習慣聽日就拆禮物？」

「嗯。係啦，聖誕老人會唔會唔認得我？」她的意思大概是聖誕老人周圍去，探訪過太多小朋友了，怕他忘記她是誰，送不到她想得到的禮物。

「咁你有冇寫低自己個名？」

「我有寫英文名，但係咁多人，會唔會有人同我一樣名？」

「唔使驚，佢會記得張字條喺邊間屋拎架嘛，所以佢會認得你係邊個。」

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

拆禮物日，小妹妹又說：「聖誕老人送左同妹妹一樣 ge 聖誕禮物畀我。」

「哦，係果隻蛋糕？」早幾天她妹妹生日，上次我看見她跟妹妹在玩一個玩具蛋糕，我以為那是她妹妹的生日禮物，然後我在想，她父母沒有如她所願，送她想要的結他？

「唔係呀，係同妹妹一樣 ge 結他。」原來結他才是她妹妹的生日禮物。不過她父母真的有求必應，送她想要的東西呢。小妹妹是開心的。

想得到什麼便得到什麼，現在的孩子真幸福。

P.S. 前文《雙》修改了，也寫了點東西。