聖誕老人

炎炎夏日，我幫一個小學一年級的小妹妹補習。

補習途中，那個小妹妹突然問我：「姐姐，呢個世界上係咪真係有聖誕老人架？」

吓？在這個端午節的早上，她怎麼會想到這個問題？

不過重點不在這裏，而是我該怎樣回答她呢？她的樣子好像已經不太相信有聖誕老人了。我應該破壞她那僅餘的童真嗎？

在那瞬間，我想到的答案是：「喺芬蘭有條聖誕老人村，你可以寄信去果度，佢地有好多人會幫手回信畀你。你亦都可以喺聖誕節期間寄信畀香港郵政署，佢地都會有人幫手回信畀你。」

「咁係咪我寫信畀聖誕老人話我想要啲咩野禮物，佢就會送畀我？」

「呃……我唔知喎，不過佢會回信畀你。」我不想肯定地說是，如果她滿心歡喜地要聖誕老人送禮物給她，最後卻得不到禮物，豈不是很失望？


「芬蘭喺邊？係咪有好多鹿架？」


「芬蘭喺北極附近，應該都會有鹿。」說着我隨手翻開桌上一本牛津出版的小型英漢字典，打開世界地圖那一頁，指出芬蘭的位置。說來想不到她的字典已有一定的歷史，竟然還有蘇聯這個國家。小妹妹還以為這個幅員廣闊的國家是美國，我只好指正她，順道告訴她現在已沒有蘇聯這個國家了。


「嗱，呢度就係芬蘭，至於香港呢，就係呢點細細粒嘅黑色，細到差啲睇唔到。」


「咁遠，咁我地咪要搭好多個鐘至去到果度囉？」


「係架，重可能要中途轉機添，因為實在太遠啦。」


……


「聖誕老人係咪喺我哋瞓左果陣至黎架？如果我打開小小眼睛呢，佢都唔會黎？」


「嗯……我唔知喎。」看着她一臉天真，我不忍心告訴她真相。


其實，我是否應該跟她說這個世界有聖誕老人呢？


畢竟，在這個世代，擁有赤子之心的人已不多，就連大部份的孩子也失去童真，我應該替眼前這孩子留下一點幻想空間。